ငွေကြေးဆိုင်ရာအဖွဲ့အစည်းများနှင့် MyanmarPay MMQR ထားရှိသော ကုန်သည်များအကြား ချိတ်ဆက်ပြီး၊ အပြန်အလှန်ငွေပေးချေမှုကို လုပ်ဆောင်နိုင်ခြင်း။
တစ်ဦးနှင့်တစ်ဦးအပြန်အလှန်ငွေပေးချေမှုကို အချိန်နှင့်တစ်ပြေးညီ QR စနစ်ဖြင့် လွယ်ကူစွာလုပ်ဆောင်နိုင်ခြင်း။
အစိုးရဆိုင်ရာလုပ်ငန်းဝန်ဆောင်မှုများ အတွက် ငွေကြေးဆိုင်ရာအဖွဲ့အစည်းများနှင့် Digital Payment များအကြား အပြန်အလှန်ငွေပေးချေမှုကို အချိန်နှင့်တပြေးညီ လွယ်ကူစွာလုပ်ဆောင်နိုင်ခြင်း။
နိုင်ငံအလိုက် အပြန်အလှန်ငွေပေးချေမှုကို အချိန်နှင့်တပြေးညီလွယ်ကူစွာ လုပ်ဆောင်နိုင်ခြင်း။
QR စနစ်အတွင်း Digital Payment Switch တွင် ပါဝင်သော ကုန်သည်များ၏ အသေးစိတ်အချက်အလက်များကိုသိမ်းဆည်းသည့်စနစ်သည် အချက်အလက်များအတွက်ဗဟိုအရင်းအမြစ်အဖြစ်ဆောင်ရွက်ထားရှိခြင်း။
QR code အား ငွေပေးချေမှုလက်ခံရန်အတွက် ဖြန့်ဝေပေးနိုင်ခြင်း။
သုံးစွဲသူ၏ ID ကို အကောင့်အချက်အလက်ဖြင့်ချိတ်ဆက်ကာ သီးသန့် ID ဖြင့်သာ တိုကင်ယူဆောင်ရွက်ခြင်း။
ငွေပေးငွေယူများတစ်လျှောက် သံသယဖြစ်ဖွယ်အချက်များကို အချိန်နှင့်တပြေးညီ ရှာဖွေခြင်း၊ စောင့်ကြည့်ခြင်းနှင့် ကာကွယ်ခြင်း။
ဈေးကွက်အတွင်း အဖွဲ့အစည်းများအတွက် လေ့လာသုံးသပ်ခြင်းများကို ပံ့ပိုးပေးနိုင်ခြင်း။
နေ့စဉ်စာရင်းရှင်းမှုများ နှင့် ပြန်လည်စာရင်းချိန်ကိုက်ခြင်း ကို CSM Net မှတစ်ဆင့် လုပ်ဆောင်မည်ဖြစ်သည်။
(က) ဒီဂျစ်တယ်ငွေပေးချေမှုအတွင်း P2M ငွေလွှဲပြောင်းခြင်းဆိုင်ရာ အခြေခံစည်းကမ်းများကို တည်ဆောက်ခြင်း။
(ခ) လုပ်ငန်းတွင်ပါဝင်သူများအကြား ဒေသတွင်းအခြေခိုင်စေရန်အတွက် CBM Net 2 နှင့် ပေါင်းစည်းခြင်း။
(ဂ) MyanmarPay MMQR EMVCo စံနှုန်းများနှင့် အသိအမှတ်ပြု လက်မှတ်ထုတ်ပေးရေး လုပ်ငန်းစဉ်များကို ထုတ်ပြန်ခြင်း။
(ဃ) ကုန်သည်အချက်အလက်များအတွက် MyanmarPay MMQR Repository ကို တည်ဆောက်ခြင်း။
(င) MyanmarPay MMQR (P2M) အတွက် ပထမအဆင့်အတွက် အခကြေးငွေများနှင့် ငွေလွှဲနှုန်းဖွဲ့စည်းပုံ ထုတ်ပြန်ခြင်း။
(f) Define scope of live market Pilot for Phase 1
MyanmarPay MMQR သည် ကုန်သည်များနှင့် သုံးစွဲသူများကို QR Code နည်းပညာဖြင့်မြန်ဆန်လုံခြုံပြီး အဆင်ပြေသော ငွေပေးချေမှုအတွေ့အကြုံကို ရရှိစေပါသည်။ ငွေလွှဲလုပ်ငန်းစဉ်များကို အပြည့်အဝလုံခြုံစေရန် ကာကွယ်ထားသောကြောင့် လိမ်လည်မှုအန္တရာယ်ကို လျှော့ချပေးပြီး လုပ်ငန်းများနှင့် သုံးစွဲသူများအတွက် လုံခြုံမှုကို ဖြည့်ဆည်းပေးနိုင်ပါသည်။ ထို့အပြင် MyanmarPay MMQR ၏ စနစ်များကို ပိုမိုကောင်းမွန်လာစေရန် အကြံပြုချက်များကို စုစည်းပြီး လူတိုင်းအသုံးပြုနိုင်သည့် အဆင့်သို့ တိုးချဲ့သွားမည်ဖြစ်ပါသည်။ ထို့ကြောင့် မြန်မာနိုင်ငံသားတိုင်းအတွက် ဒီဂျစ်တယ် ငွေပေးချေမှုလုပ်ငန်းစဉ်များဖြင့် ပိုမိုချောမွေ့ပြီး လုံခြုံစိတ်ချစေရရန် အထောက်အကူဖြစ်စေပါမည်။
MyanmarPay MMQR သည် အစိုးရဌာနများ၊ ငွေကြေးအဖွဲ့အစည်းများနှင့် အနီးကပ်ပူးပေါင်းပြီး အများပြည်သူသုံး ဝန်ဆောင်မှုတိုင်းအတွက် ငွေပေးချေမှုစနစ်များကို ဒီဂျစ်တယ်အဖြစ် ပြောင်းလဲဆောင်ရွက်သွားပါမည်။ နည်းပညာပိုင်းဆိုင်ရာ ပူးပေါင်းတည်ဆောက်ခြင်းများအပြင် လိုအပ်သော ခွင့်ပြုချက်များ ရရှိခြင်းအားဖြင့် အစိုးရပိုင် ပလက်ဖောင်းများနှင့် QR ကုဒ် ငွေပေးချေမှုစနစ်များကို ပေါင်းစည်းရန် ရည်ရွယ်ထားပါသည်။ အများပြည်သူများအတွက် ဘေးကင်းလုံခြုံပြီး အသုံးပြုရလွယ်ကူသော ငွေပေးချေမှု အတွေ့အကြုံကို ဖန်တီးပေးပြီး အရေးကြီးသော ဝန်ဆောင်မှုများသို့ လွယ်ကူမြန်ဆန်စွာ အသုံးပြုနိုင်ရန်အတွက် အထောက်အကူပြုမည်ဖြစ်ပါသည်။
MyanmarPay MMQR သည် လွယ်ကူစိတ်ချရသော Person to Person (P2P) ငွေပေးချေ လွှဲပြောင်းမ့များကို ဒီဂျစ်တယ်ငွေပေးချေမှုစနစ်အတွင်း လုပ်ဆောင်နိုင်ရန် စီစဉ်ထားပါသည်။ သုံးစွဲသူများ၏ မိုဘိုင်းဖုန်းနံပတ်များ (သို့) အခြားသော ID များကို အသုံးပြုကာ P2P ငွေလွှဲပြောင်းမှုများကို ပြုလုပ်နိုင်စေမယ့် MyanmarPay MMQR Repository ကိုလည်း တည်ဆောက်ထားသည့်အပြင် နေ့စဉ်ငွေပေးချေမှုများမှအစ Bill ပေးဆောင်ခြင်းများအတွက်ပါ အသုံးပြုသူများအတွက် ပိုမိုလုံခြုံထိရောက်စွာ အသုံးပြုနိုင်စေမည် ဖြစ်ပါသည်။
MyanmarPay MMQR သည် နိုင်ငံတကာ ငွေပေးချေမှုကို ပိုမိုလွယ်ကူမြန်ဆန်စေရန်အတွက် အရေးပါသော နိုင်ငံတကာ ငွေလွှဲလမ်းကြောင်းများနှင့် ပေါင်းစပ်ထားသောကြောင့် နိုင်ငံတစ်ခုနှင့်တစ်ခုအကြား ငွေပေးချေမှုများ ပိုမိုတိုးတက်မြှင့်တင်လာစေရန် ရည်ရွယ်ပါသည်။ သုံးစွဲသူမှ ကုန်သည်များထံသို့ (Person to Merchant P2M), သုံးစွဲသူအချင်းချင်း (P2P) နှင့် လုပ်ငန်းအချင်းချင်း (B2B) အစရှိသော ငွေပေးချေမှုတိုင်းကို လွယ်ကူမြန်ဆန်စွာ ပြုလုပ်နိုင်ရန် ဦးစားပေး ဆောင်ရွက်ထားပါသည်။ အဆိုပါ ရည်မှန်းချက်တိုင်းကို အကောင်အထည်ဖော်နိုင်စေရန်အတွက် စျေးကွက်များ ပေါင်းစည်း ပူးပေါင်းလာရေးကို ဦးစားပေး ဆောင်ရွက်နေသည့်အပြင် အသုံးပြုသူများအကြား လိုအပ်ချက်တိုင်းကို ဖြည့်ဆည်းပေးနိုင်စေရန်အတွက် နိုင်ငံတကာတွင်လည်း ကျယ်ပြန့်စွာ အသုံးပြုနိုင်အောင်လည်း စီစဉ်လျက်ရှိပါသည်။
This is a groundbreaking development as it unifies the country's diverse financial landscape onto a common platform, bringing us all together in the digital area.
